18+

«Беларус павінен любіць свой край, сваю мову і не выракацца іх». Дзень памяці Вацлава Ластоўскага
23 января 2020 Культура

«Беларус павінен любіць свой край, сваю мову і не выракацца іх». Дзень памяці Вацлава Ластоўскага

  •  
  •  
  •  
  •  
  •  
  •  
  •  
  •  
  •  

Сёння дзень памяці Вацлава Ластоўскага*. Узгадваем, што ён казаў, і наогул, што зрабіў для Беларусі.

* Пісьменнік, грамадскі і палітычны дзеяч, акадэмік НАН РБ, гісторык, філолаг, прэм’ер-міністр Беларускай Народнай Рэспублікі, дырэктар Нацыянальнага гістарычнага Музея.

Пра гісторыю

Гісторыя — гэта фундамент, на каторым будуецца жыцьцё народу. І нам, каб адбудаваць сваё жыцьцё, трэба пачаць с фундаменту, каб будынак быў моцны. А фундамент у нас важны, гісторыя наша багата.

Пра абавязкі паэтаў

Паэт павінен быць вучыцелем і прарокам свайго народа, павінен быць суддзёй і цветам душы яго, павінен выяўляць красу свайго народа і краю.

Пра тое, што трэба ведаць кожнаму беларусу

Чым болей чалавек ведае, тым яму лепей, бо ён робіцца больш адукаваным. А толькі добра адукаваны чалавек можа шмат зрабіць для свае Бацькаўшчыны. Хто ведае чужую мову, той можа чытаць чужыя кніжкі і часапісы, можа даведацца з іх шмат для нас карыснага, што трэ’ было-б, каб і ў нас было.

Пра мову

Хто не шануе родную мову, той не шануе сябе самога, ні свой род, ні сваіх дзядоў, — бацькоў, якія гэтай мовай гаварылі. А хто саромеецца свае мовы, варты таго, каб і яго добрыя людзі саромеліся, як вырадка, каб ім пагарджалі, як недалюдкам, бо саромеючыся роднае мовы, ён крыўдзіць ня толькі дзядоў — бацькоў сваіх, але і увесь народ. Справядлівы, добры чалавек ніколі не саромеецца роднае мовы. Ён і сам гаворыць сваёй роднай мовай і глядзіць каб і іншыя яе шанавалі

Пра нацыянальны характар

Недарма кажуць: беларус цярплівы — цярпіць-цярпіць, а ўрэшце раптам хапап сякеру і зразу — абухом па ілбе валіць!

Пра абавязкі баларусаў

Беларус павінен любіць свой край, сваю мову і не выракацца іх. Павінен дбаць, каб у беларускім краі разьвіваўся дабрабыт, беларуская культура, і каб народ увесь быў шчасьлівым. Для дабра свайго народу і краю беларус павінен быць гатовым на найвялікшыя ахвяры, нават аддаць жыцьцё.

10 фактаў з біяграфіі Ластоўскага:

1. Вацлаў Ластоўскі нарадзіўся 8 лістапада 1883 года ў засценку Калеснікі (зараз Глыбоцкі раён). У 1902 г. уступіў у Польскую сацыялістычную партыю ў Літве. У 1904 – 1905 слухаў лекцыі ва ўніверсітэце у Пецярбургу. 3 1906 года займаўся самаадукацыяй у Рызе, там жа далучыўся да мясцовага беларускага нацыянальна-культурнага руху.

2. У 1909 –1914 працаваў рэдакцыйным сакратарам «Нашай Нівы». Рэдагаваў часопіс «Саха», «Беларускі сцяг», газету «Гоман».

3. Быў адным са стваральнікаў Беларускага музея імя І. Луцкевіча ў Вільні.

4. Меў сваю калекцыю беларускіх артэфактаў. Нават у гады Першай сусветнай вайны, у газеце «Гоман» можна было ўбачыць аб’явы: «Купляю ўсякiе старасьвецкiе рэчы: абразы, гравюры, мiнiатюры, рукапiсы i кнiжкi XV i XVI в.; порцэляну, шкло, тканiны. В. Ластоўскi».

5. У 1916 — Ластоўскi адзін з аўтараў «Мемарандума прадстаўнікоў Беларусі», у якім адстойваў права беларускага народа на нацыянальна-дзяржаўнае развіццё і які быў прадстаўлены на міжнароднай канферэнцыі ў Лазане (Швейцарыя).

6. З 1919 года па 1922 Ластоўскі з’яўляўся старшынёй Рады міністраў БНР і дзельнічаў у абвяшчэнні яе незалежнасці.

7. 20 кастрычніка 1920 на беларускай канферэнцыі ў Рызе пад кіраўнінтвам Ластоўскага створаны блок беларускіх партый для барацьбы супраць Савецкай улады і Польскай акупацыі за незалежную і непадзельную Беларусь.

8. З 1922 быў сярод першых работнікаў Інстытута беларускай культуры (ІнБелКульта), які ў 1928 годзе быў ператвораны ў Беларускую Акадэмію Навук.

9. З 1927 года па 1930 працаваў дырэктарам Беларускага дзяржаўнага музея (цяпер Нацыянальны Гістарычны). Дзякуючы намаганням Ластоўскага была знойдзены і перавезены ў Мінск крыж Еўфрасінні Полацкай. З 1928 году Вацлаў Ластоўскі стаў акадэмікам і сакратаром Беларускай АН.

10. У 1930 абвінавачаны па справе аб «Саюзе за вызваленне Беларусі», асуджаны да высылкі. У 1938 — растраляны.

  •  
  •  
  •  
  •  
  •  
  •  
  •  
  •  
  •  

Вам срочно нужна квартира на сутки в Барановичи? Не переживайте, наш сайт предоставляет вашему вниманию множество отличных предложений, чтобы Вы смогли максимально быстро и выгодно, а главное, без посредников снять квартиру в Барановичах. Более детальную информацию вы можете получить на нашем сайте: sutkibaranki.by

OOO «Высококачественные инженерные сети» осваивает новейшие технологии в строительстве инженерных сетей в Санкт-Петербурге. Начиная с 2007 года, наша компания успешно реализовала множество проектов в области строительства инженерных сетей: электрическое обеспечение, водоснабжение и газоснабжение. Более подробная информация на сайте: http://spbvis.ru/