18+
24 февраля 2020 Культура
Рыгор Барадулін: «Кожны паэт — народны. Толькі без пячаткі»
24 лютага — 85 лет са дня нараджэння апошняга на дадзены момант народнага паэта Беларусі Рыгора Барадуліна. Успомнілі біяграфію Дзядзькі Рыгора і яго сапраўды непаўторныя выказванні.
Пра радзіму
Радзіма там, дзе начуе душа.
Пра станаўленне паэта
Паэт будуе сам сябе, як храм ці як пахіленую халабуду.
Пра жыццёвы шлях
Чалавек на свет прыходзіць улегцы, пераязджае ў новую кватэру — шмат барахла, скрынак, а хаваюць — адной скрынкі хапае.
Пра ганаровыя званні
Кожны паэт — народны. Толькі без пячаткі.
«Паэзія Барадуліна — чыстай красы Боская паэзія беларусаў, крыніца нацыянальнага натхнення, складнік яе спрадвечнага духоўнага набытку. Тое асабліва адчувальна, калі апынуцца ў растанні з ею…»
Васіль Быкаў
Пра прыкметы розуму
Калі блішчаць штаны — чалавек разумовай працы.
Пра той и гэты свет
Той свет цікавіць нас на гэтым свеце, а ці ўзгадаем гэты свет на тым?
Пра старасць
Мы заўважаем па сябрах, наколькі пастарэлі самі.
Пра эміграцыю
Эміграцыя — вечны рух. Эмігруюць птушкі ў выраі. А куды эмігрыруе дух, калі з цела душа эмігрыруе?
Пра галоўнае
Галоўнае ў гэтым жыцці — у час адысці.
155 слоў пра Рыгора Барадуліна:
Нарадзіўся паэт 24 лютага 1935 года на хутары Верасоўка Вушацкага раёна Віцебскай вобласці. У 1959 годзе скончыў філалагічны факультэт БДУ. У гэты ж час зацікавіўся літаратурай.
Барадулін працаваў рэдактарам у «Советская Белоруссии», часопісах «Бярозка», «Полымя», а таксама ў выдавецтвах «Беларусь», «Мастацкая літаратура». Выдавецтву «Мастацкая літаратура» Рыгор Барадулін аддаў больш за дваццаць гадоў — спачатку працаваў рэдактарам, а затым загадчыкам рэдакцыі. У 1984 годзе ў складзе дэлегацыі БССР прымаў удзел у 39-й сесіі Генеральнай Асамблеі ААН.
Рыгор Барадулін быў дзейным чальцом Саюза беларускіх пісьменнікаў, а таксама адным са стваральнікаў Беларускага ПЭН-цэнтра.
Рыгор Барадулін — апошні беларус, якому надалі званьне Народнага паэта. У 2006 годзе паэт намініраваўся на Нобэлеўскую прэмію па літаратуры (за зборнік вершаў «Ксты»).
Памёр Дзядзька Рыгор 2 сакавіка 2014 года ў сваёй кватэры ў Мінску пасля многіх гадоў пакут ад хваробы Паркінсона. Пахавалі яго ва Ушачах у беларускай народнай вышытай кашулі ў той жа дзень побач з магілай мамы, як таго і жадаў паэт пры жыцці.
Вам срочно нужна квартира на сутки в Барановичи? Не переживайте, наш сайт предоставляет вашему вниманию множество отличных предложений, чтобы Вы смогли максимально быстро и выгодно, а главное, без посредников снять квартиру в Барановичах. Более детальную информацию вы можете получить на нашем сайте: sutkibaranki.by
OOO «Высококачественные инженерные сети» осваивает новейшие технологии в строительстве инженерных сетей в Санкт-Петербурге. Начиная с 2007 года, наша компания успешно реализовала множество проектов в области строительства инженерных сетей: электрическое обеспечение, водоснабжение и газоснабжение. Более подробная информация на сайте: http://spbvis.ru/
Комментарии