Christian Dior, Guerlain і Givenchy будуць вырабляць санітайзары

Кіраўнік групы кампаній Louis Vuitton Moët Hennessy (LVMH) Бернар Арно, ўступіў у барацьбу з каранавірусам, паведамляе nn.by са спасылкай на BBC.

LVMH пачала вырабляць на сваіх заводах, якія звычайна выпускаюць духі і касметыку элітных брэндаў Christian Dior, Guerlain і Givenchy, санітайзары — антыбактэрыйныя гелі для дэзынфекцыі рук.

LVMH збіраецца бясплатна пастаўляць антысептык установам аховы здароўя ў Францыі. У групе кампаній заявілі, што будуць выпускаць санітайзары так доўга, як гэта будзе неабходна.