Экспарт IT-паслуг з Беларусі вырас за год на траціну, перавысіў 2 млрд даляраў — і гэта рэкорд

У 2019 годзе экспарт кампутарных паслуг з Беларусі вырас на 33,8% і дасягнуў рэкордных 2,1 млрд даляраў, паведамляе svaboda.org.

Як адзначае БелаПАН, доля кампутарных паслуг за мінулы год павялічылася да 24% у агульным экспарце з Беларусі. Каля 90% экспарту ІТ-паслуг прыпадае на кампаніі Парку высокіх тэхналогій.

Экспэрты адзначаюць, што гэткія тэмпы росту могуць захавацца і ў будучыні, але ўжо адчуваецца дэфіцыт кадраў. Чалец Рады развіцця прадпрымальніцтва Дзяніс Алейнікаў адзначае, што беларускія ВНУ гатовыя выпускаць каля 7,7 тысячы айцішнікаў на год, а попыт аднаго толькі ПВТ ужо ўдвая вышэй.

Экспарт ІТ-паслуг параўнальны ў грашовым выражэнні з экспартам разам узятых малочнай прадукцыі, яек, мёду і іншых харчовых прадуктаў жывёльнага паходжання, за выключэннем мяса і рыбы.