Беларуская рэжысёрка атрымала грант Украінскага культурнага фонду на стварэнне фільма пра Femen

Украінскі культурны фонд у 2019 годзе выдзеліў 46 тысяч даляраў на сцэнарную распрацоўку і падрыхтоўку да вытворчасці фільма «Нашы грудзі — наша зброя: гісторыя Femen», паведамляе svaboda.org.

Аўтар ідэі і рэжысёрка — беларуска Дарʼя Жук, сцэнарыстка — украінка Наталля Блок. Мастацкі фільм будзе створаны ў супольнай кааперацыі Украіны і Францыі.

З украінскага боку прадзюсарам стужкі выступае дырэктар Arthouse Traffic Film Company, сузаснавальнік Адэскага кінафэстывалю ды фэстывалю для дзяцей і падлеткаў «Чілдрен Кінофест» Дзяніс Іваноў, а з францускага — кампанія Pan-Européenne.

Найбольш вядомая праца беларускай рэжысёркі Дарʼі Жук — яе поўнаметражны дэбют з фільмам «Крышталь», які ў 2018 годзе атрымаў шэраг прызоў.

Наша інтэрв’ю з Дар’яй — па спасылцы. А тут глядзіце, якія фільмы раіць паглядзець рэжысёрка. Кінаперавагі Дар’і атрымаліся таксама з жаночым акцэнтам.