Памёр вучоны Лары Тэслер. Гэта ён прыдумаў копіпаст

Інжынер, вучоны і матэматык Лары Тэслер памёр 17 лютага 2020 года ва ўзросце 74 гадоў, піша nn.by.

Тэслер нарадзіўся ў 1945 годзе ў Нью-Ёрку і вывучаў інфарматыку ў Стэнфардзе. У 1973 годзе ён пачаў працаваць у Xerox. Там ён распрацаваў функцыі Cut (Выразаць), Copy (Капіяваць) і Paste (Уставіць).

Яны і зараз з’яўляюцца неад’емнай часткай усіх тэкставых рэдактараў і аперацыйных сістэм.

У Xerox Лары Тэслер таксама распрацоўваў графічны карыстальніцкі інтэрфейс, якім можна было кіраваць з дапамогай мышкі. Гэты прататып заўважыў Стыў Джобс і на яго базе вырашыў выпусціць першы Macintosh.