«Паўлінку» прызналі нематэрыяльнай каштоўнасцю

Спектакль Купалаўскага тэатра «Паўлінка» прызнаны нематэрыяльнай гісторыка-культурнай каштоўнасцю, напісаў у сваім Facebook намеснік дырэктара Нацыянальнай бібліятэкі Беларусі Алесь Суша.

— Не паверыце! Толькі што прынятае рашэнне аб наданні статуса нематэрыяльнай гісторыка-культурнай каштоўнасці тэатральнаму феномену — купалаўскай «Паўлінцы»! Вось так. Адзінагалоснае рашэнне Рады. Традыцыі «Паўлінкі» ўжо больш за 100 гадоў і яна жывая!

На прадстаўленні намінацыі апрача Паўла Латушкі і Марыі Захарэвіч выступаў Арнольд Памазан, які ўжо больш за 1000 разоў выходзіў на сцэну ў ролі пана Быкоўскага. Гэта бясспрэчны тэатральны брэнд Беларусі.