Беларускі фатограф перамог на міжнародным конкурсе фатаграфій This is Gender

Беларускі фатограф Андрэй Лянкевіч стаў пераможцам міжнароднага конкурсу фатаграфій This is Gender (Гэта гендэр), паведамляе Радыё Свабода. Конкурс прысвечаны таму, як гендэрныя нормы ўплываюць на ўладу і магчымасці для жыцця ў розных краінах.

Як паведамляецца на сайце конкурсу, здымак Лянкевіча быў абраны з 400 пададзеных на конкурс з больш чым 50 краін.

На здымку ўдава Вольга Маркевіч сядзіць у сваім доме ў Беларусі. Як адзначаецца на сайце конкурсу, у Беларусі ў паўтара разу больш жанчын, чым мужчын ва ўзросце больш за 65 гадоў. У выніку, шмат якія пажылыя жанчыны жывуць самотна.