Львоў. Фотагісторыя ад Ганны Кіпель

Фатограф «Большого» Ганна Кіпель не расстаецца з камерай нават у міні-адпачынку: з’езділа ў Львоў і прывезла нам сваю вельмі шчырую фотагісторыю.

Засынаю. Прачынаюся ад звонкіх гукаў. Хтосьці перамешвае цукар і гучна б’е па гранёным кубку. Цягнік ажывае, збіраем рэчы. Выходзім. Сонечны ранак. Мы ў Львове!

Мы не едзем на аўтобусе ці трамваі. Бо бачым неверагодна прыгожы, строгі і велічны касцёл. З заплечнікамі набліжаемся да яго. Сэрца замірае. Нам прапануюць падняцца на пляцоўку: «Быць у Рыме і не пабачыць тату Рымскага?»

Пачынаю лічыць прыступкі. Ужо адчуваю, што за тры дні вандроўкі іх будзе шмат. Паўгадзіны ў Львове — бачым увесь горад з вышыні. І разумеем — нас чакаюць чароўныя выходныя.

Далей архітэктура, шпацыр і, канешне, смачная ежа. І зноў ўсё па коле. Дворыкі, вулачкі, брукаванка. Трамваі. Жывая музыка. Вінтавыя лесвіцы. Водар кавы і свабоды.

Невялічкі топ-ліст атмасферных і «смачных» мясцін:

• Реберня під Арсеналом
• Маруся (варэнікі)
• Lviv Croissants
• Львовские пляцкі
• Гасова Лямпа
• Дом легенд
• Криівка
• Тэатр піва “Праўда”
• Копальня кави
• Львівська майстерня шоколаду

Текст и фото: